Breaking News
හලෝවෙන් ඇමැතිට බැනලා?
දෙරණ රූපවාහිනියේ වාද පිටිය වැඩ සටහන අතරතුරේ දී තමාට අපහාස වන ලෙස දුර කතන ඇමතුමක් ලබා දුන් පුද්ගලයකු සම්බන්ධයෙන් පරීක්ෂණයක් කරන්නැයි ක්රීඩා ඇමැති මහින්දානන්ද අලුත්ගමගේ මහතා මිරිහාන පොලිසියට පැමිණිල්ලක් කර ඇත.
එම පුදාගලයාට එරෙහිව අපහාස නඩුවක් ගොනු කිරීමට බලාපොරොත්තු වන බව ද ඇමැතිවරයාගේ පැමිණිල්ලේ සඳහන් වන්නේයැයි පොලිස් මාධ්ය ප්රකාශක ජ්යෙෂ්ඨ පොලිස් අධිකාරී අජිත් රෝහණ මහතා කියයි.
දුරකතන ඇමතුමක් දුන් අසන්නා තමාට අභූත ලෝදනා කරමින් අපහාස කළැයි ඇමැති අලුත්ගමගේ මහතා දොස්තර රමේෂ් පතිරණ මහතා ද සමඟ නැඟිට යන්නට පෙර දෙරණ වැඩසටහන් පක්ෂග්රාහී බවත් චෝදනා කළේය.
එම අසන්නා සිය චෝදනාවෙන් කිසිවකුගේ නමක් නොකී නමුත් අලුත්ගමගේ මහතා කීවේ එම චෝදනාව තමන්ට සංවිධානාත්මක ලෙස එල්ල කළ බවයි.
වැඩසටහන මෙහෙය වූ චතුර අල්විස් එම සිද්ධිය ගැන කණගාටුව පලකරමින් පැවසුවේ ඇමැති තම නාලිකාවට නැගූ චෝදනා පදනම් විරහිත බවයි. ඔවුන් ගිය පසු එක්සත් ජාතික පක්ෂයේ අජිත් පෙරේරා මහතා සහ ජවිපෙ සුනිල් හඳුන්නෙත්ති මහතා පමණක් ඉතිරි විය.
වැඩසටහන තෙවැනි වටයට නොගොස් අවසන් කැරිණි.
See more - www.lankadeepa.lk/index.php/articles/279911
