06 December, 2014
එළඹෙන ජනාධිපතිවරණය වෙනුවෙන් නාමයෝජනා බාරගනු ලබන ලබන 8 වන සඳුදා දිනයේදී කිසිදු අපේක්ෂකයකු වෙනුවෙන් පෙළපාලි යාම තහනම් බව මැතිවරණ කොමසාරිස් මහින්ද දේශප්රිය මහතා පවසයි.
එමෙන්ම ජනාධිපතිවරණය පැවැත්වෙන 2015 ජනවාරි මස 8 වන දින සිට සතියක කාලයක් ගතවන තුරු මෙම තහනම බලපැවැත්වෙන බවයි මැතිවරණ කොමසාරිස්වරයා සඳහන් කර සිටියේ.
ඔහු වැඩිදුරටත් පෙන්වාදුන්නේ ජනාධිපතිවරණ පනත අනුව ජනාධිපතිවරණ අපේක්ෂකයන්ගේ ඡායාරූප හා කටවුට් මෙන්ම පෝස්ටර් ප්රසිද්ධ ස්ථානයන්හි ප්රදර්ශනය කිරීමද තහනම් බවයි.
තවද නාමයෝජනා බාරගැනීමෙන් පසුව කවර පාර්ශවයකින් මැතිවරණ නීති උල්ලංඝනය කරන පුද්ගලයින්ට විරුද්ධව වුවද නීතිය ක්රියාත්මක කිරීමට පසුබට නොවන බවද මැතිවරණ කොමසාරිස්වරයා පෙන්වාදුන්නේය.
