08 December, 2014
එළඹෙන ජනාධිපතිවරණය වෙනුවෙන් නාමයෝජනා බාරගැනීම අද (08) පෙරවරුවේදී මැතිවරණ මහලේකම් කාර්යාලයේදී ආරම්භවීමට නියමිතය.
පෙරවරු 9.00 සිට පෙරවරු 11.30 දක්වා කාලය තුළ නාමයෝජනා බාරගැනීමට මැතිවරණ මහලේකම් කාර්යාලය කටයුතු යොදා ඇති අතර ඒ වෙනුවෙන් මැතිවරණ මහලේකම් කාර්යාලය අවට විශේෂ ආරක්ෂාවක්ද යොදවා ඇති බවයි වාර්තාවන්නේ.
ජනාධිපතිවරණය වෙනුවෙන් වන ඇප මුදල් බාරගැනීම ඊයේ දිනයෙන් අවසන් වූ අතර පිළිගත් දේශපාලන පක්ෂ 17 ක් හා ස්වාධීන අපේක්ෂකයින් දෙදෙනෙකු මෙවර ඇප තැන්පත් කර තිබුණි.
