22 December, 2014
හෙට (23) ආරම්භවන තැපැල් ඡන්ද විමසීමේ නිරීක්ෂණ කටයුතු සඳහා නිරීක්ෂකයින් 1000 ක් යෙදවීමට පැෆ්රල් සංවිධානය කටයුතු යොදා ඇත.
පැෆ්රල් විධායක අධ්යක්ෂ රෝහණ හෙට්ටිආරච්චි මහතාගේ අත්සනින් යුතුව නිකුත් කර ඇති මාධ්යය නිවේදනයකින් පෙන්වාදී ඇත්තේ ජාතික වශයෙන් අතිශය වැදගත් හා තීරණාත්මක මැතිවරණයක් වන එළඹෙන ජනාධිපතිවරණයේ තැපැල් ඡන්ද ප්රකාශ කිරීමේ ක්රියාවලියේදී ලංකා ගමනාගමන මණ්ඩල, පොලිස් ස්ථාන, අධ්යාපන කාර්යාල, යුද හමුදා කඳවුරු හා පළාත් පාලන ආයතන වැනි දේශපාලන වශයෙන් සංවේදීභාවයක් සහ සැලකිය යුතු ඡන්ද සංඛ්යාවලක් සහිත ස්ථාන කෙරෙහි විශේෂ අවධානයක් යොමුකරන බවයි.
එමෙන්ම ජංගම නිරීක්ෂකයින් සිව්දෙනෙකුගෙන් යුත් නිරීක්ෂණ රථ 35 ක්ද යෙදවීමට පැෆ්රල් සංවිධානය තීරණය කර ඇති අතර තැපැල් ඡන්ද ප්රකාශ කෙරෙන හෙට (23) හා අනිද්දා (24) දෙදින පිළිගත් හා වලංගු අනන්යතා ලේඛනයක් රැගෙන නියමිත ස්ථානවලදී ඡන්දය ප්රකාශ කරන ලෙසයි පැෆ්රල් සංවිධානය තැපැල් ඡන්දදායකයින්ගෙන් ඉල්ලා සිටින්නේ.
