04 January, 2015
ජනපතිවරණය අවසන්වීමෙන් පසු රටේ ආරක්ෂාව නිසි පරිදි පවත්වාගෙන යන බවට පොලිස්පතිවරයා සහතිකවී ඇති බව මැතිවරණ කොමසාරිස් මහින්ද දේශප්රිය මහතා පවසා ඇත.
අද (04) ජාතික පුවත්පතකට ප්රකාශයක් ලබාදෙමින් මැතිවරණ කොමසාරිස්වරයා පවසා ඇත්තේ ජනපතිවරණ දිනයේ කලබල ඇතිවේ යැයි ඡන්දදායකයින් අනිසි බියක් ඇතිකර නොගත යුතු බවයි.
එදින හා ඉන්පසුව සියලු ආරක්ෂක කටයුතු පොලීසිය විසින් සිදුකරන බවත් බියෙන් සැකයෙන් තොරව ඡන්දදායකයින්ට සිය ඡන්ද මධ්යස්ථාන කරා ගොස් ඡන්දය භාවිත කල හැකි බවයි මැතිවරණ කොමසාරිස්වරයා දක්වා ඇත්තේ.
එමෙන්ම මැතිවරණ කොමසාරිස්වරයා වැඩිදුරටත් පෙන්වාදී ඇත්තේ ජනාධිපතිවරණ පනතේ විධිවිධාන අනුව තමා විසින් අවසර ලබාදී ඇති පුද්ගලයින් හැරෙන්නට අනවසරයෙන් පැමිණෙන ඕනෑම පුද්ගලයෙකු අත්අඩංගුවට ගැනීමට පොලීසියට උපදෙස් ලබාදී ඇති බවයි.
