23 January, 2015
ශ්රී ලංකා නිදහස් පක්ෂ සභාපති ධූරය ජනාධිපති මෛත්රීපාල සිරිසේන මහතාට ලබාදී ඇති බව මාධ්යවල පලවී ඇතත් ඒ සම්බන්ධයෙන් මෙතෙක් තමාවෙත නිල දැනුම්දීමක් සිදුකර නොමැති බව මැතිවරණ කොමසාරිස් මහින්ද දේශප්රිය මහතා පවසා ඇත.
මාධ්යය වෙත අදහස් දක්වමින් මැතිවරණය කොමසාරිස්වරයා සඳහන් කොට ඇත්තේ මේ දක්වාම සිය දෙපාර්තමේන්තුවේ ලේඛනවල ශ්රීලනිප සභාපතිවරයා වශයෙන් සටහන්ව ඇත්තේ හිටපු ජනාධීපති මහින්ද රාජපක්ෂ මහතාගේ නම බවයි.
එමෙන්ම ලේකම්වරයා වශයෙන් අනුර ප්රියදර්ශන යාපා මහතාගේ නම සටහන්ව ඇති බවත් මීට සති දෙකකට පමණ පෙරදී තමා වෙත ලැබුණු ලිපියක් මගින් දක්වා තිබුණේද ශ්රීලනිපයේ සභාපති වශයෙන් කටයුතු කරනු ලබන්නේ මහින්ද රාජපක්ෂ මහතා කටයුතු කරන බවත් යනුවෙන් මැතිවරණ කොමසාරිවරයා මාධ්යය වෙත පෙන්වාදුන්නේ.
