30 November, 2015
ශ්රී ලංකා පාර්ලිමේන්තුවේ පොදු ව්යාපාර කාරක සභාවේ සභාපතිවරයා වශයෙන් ජනතා විමුක්ති පෙරමුණු පාර්ලිමේන්තු මන්ත්රී සුනිල් හඳුන්නෙත්ති මහතා පත්කිරීම සම්බන්ධයෙන් පැෆ්රල් සංවිධානය සිය සුබපැතුම් එක්කොට ඇත.
පැෆ්රල් විධායක අධ්යක්ෂ රෝහණ හෙට්ටිආරච්චි මහතාගේ අත්සනින් නිකුත්කොට ඇති නිවේදනයක් මගින් දක්වා ඇත්තේ සමාජයට බලපානු ලබන බොහෝ සංවේදී කාරණාවන්හීදී ජනතාවගේ පාර්ශවයේ සිට විවිධ ක්රියාකාරකම්හි නිරතවූ පරිණත දේශපාලනඥයෙකු වන හඳුන්නෙත්ති මන්ත්රීවරයා පොදු ව්යාපාර කාරක සභාවේ සභාපතිවරයා වශයෙන් පත්වීම යහපත් ප්රවණතාවක් බවයි.
එමෙන්ම එම නිවේදනය මගින් පැෆ්රල් සංවිධානය වැඩිදුරටත් සඳහන්කොට ඇත්තේ සිය ධූර කාලය තුළදී පරීක්ෂණ පවත්වා වාර්තා ඉදිරිපත් කිරීමෙන් පමණක් නතර නොවී එකී වාර්තා ක්රියාත්මක කරවාගැනීමට නිශ්චිතවූත්, ප්රායෝගික වූත් වැඩපිළිවෙලක් සකස් කරන ලෙසයි.
තවද සිය ධූර කාලය තුළදී වඩා ජනතාවාදී තීන්දු තීරණ ගැනීමටත් ඒ හරහා ජනතාවට වගකියනු ලබන මූල්ය විනිවිදභාවයක් සහිත දේශපාලන සංස්කෘතියක් ගොඩනැගීම සඳහාත් කටයුතු කිරීමට ශක්තිය ලැබේවායි පැෆ්රල් සංවිධානය සිය නිවේදනයේ දක්වා ඇත.
