25 January, 2016
විගණනය කරන ලද සිය ගිණුම් වාර්තා මෙම මස 29 වනදාට ප්රථම තමන් වෙත ලබාදෙන ලෙස මැතිවරණ කොමිසම විසින් සියලුම පිළිගත් දේශපාලන පක්ෂ වෙත දැනුම්දී ඇති බව වාර්තාවේ.
ජාතික පුවත්පත් වාර්තාකොට ඇත්තේ ඒ අනුව 2015 වර්ෂයට අදාලව විගණනය කරන ලද සියලුම ගිණුම් වාර්තා පිළිගත් දේශපාලන පක්ෂ විසින් මැතිවරණ කොමිසම වෙත ලබාදිය යුතු බවට මැතිවරණ කොමිසම විසින් දේශපාලන පක්ෂවලට දන්වා ඇති බවයි.
එම වසර තුළදී පක්ෂයට ලැබුණු සමස්ත ආදායම හා එම ආදායම ලැබුණු ආකාරයද එම ලේඛනයේ සටහන්විය යුතු බවත් ලැබුණු ආදායම් කුමන කාර්යයන් සදහා වියදම් කලේද යන්න එම ලේඛනයට ඇතුළත්විය යුතු බවටත් මැතිවරණ කොමිසම විසින් වැඩිදුරටත් දක්වා ඇත.
