19 February, 2016
නව ආණ්ඩුක්රම ව්යවස්ථාවක් සැකසීම වෙනුවෙන් ඉතිහාසයේ පළමුවරට මහජනතාවට අදහස් ලබාදීමට සලසා ඇති අවස්ථාවෙන් ජනතාව උපරිම ප්රයෝජන ලබාගත යුතු බව පැෆ්රල් සංවිධානය පවසයි.
පසුගියදා පොළොන්නරුවේදී මාධ්යවේදීන් අමතමින් පැෆ්රල් ජාතික සම්බන්ධීකාරක සුජීව ගයනාත් මහතා පෙන්වාදුන්නේ රට පාලනය කිරීමේ මූලික ලියවිල්ල වන ආණ්ඩුක්රම ව්යවස්ථාව සැකසීම වෙනුවෙන් මහජනතාවගේ අදහස් ලබාගැනීම ප්රජාතන්ත්රවාදී රටක මූලික ලක්ෂණයක් බවයි.
කෙසේ වෙතත් මෙලෙස මහජන අදහස් ලබාදීමට සලසා ඇති කාලසීමාව සම්බන්ධයෙන් සෑහීමකට පත්විය නොහැකි බවත් දකුණු අප්රිකානු ව්යවස්ථාව සැකසීමේදී පවා වසර දෙකක පමණ කාලයක් ජනතාවට සිය අදහස් ලබාදීමට කටයුතු කර ඇති බවත් එහිදී සුජීව ගයනාත් මහතා පෙන්වාදුන් අතර වැඩිදුරටත් ඔහු සදහන්කොට සිටියේ රට පාලනය කිරීමේ මූලික ලියවිල්ල නිර්මාණය කිරීම වෙනුවෙන් සිදුකරගෙන යනු ලබන මෙම අදහස් ලබාගැනීම කෙටි කාලයක් තුළදී සිදුකල යුත්තක් නොවන බවයි.
