02 March, 2016
ආණ්ඩුක්රම ව්යවස්ථා ප්රතිසංස්කරණ පිළිබඳ මහජන අදහස් විමසීමේ කමිටුව මගින් කොළඹ දිස්ත්රික්කයේ ජනතාවගේ අදහස් විමසීම වෙනුවෙන් වන විශේෂ සැසිවාරයක් පැවැත්වීමට නියමිත බව වාර්තාවේ.
එළඹෙන 3,4 සහ 5 යන තෙදින කොළඹ 02 ස්ටේපල් වීදියේ විසුම්පායේ පිහිටි ආණ්ඩුක්රම ව්යවස්ථා ප්රතිසංස්කරණ පිළිබඳ මහජන අදහස් විමසීමේ කමිටු ලේකම් කාර්යාලයේදී පෙ.ව 9.30 සිට ප.ව 4.30 දක්වා මෙම සැසිවාරය පැවැත්වීමට නියමිත බවයි ජාතික පුවත්පත් වාර්තා පෙන්වාදෙන්නේ.
ආණ්ඩුක්රම ව්යවස්ථා ප්රතිසංස්කරණ පිළිබඳ මහජන අදහස් ලබාදීමට කැමති ඕනෑම පුද්ගලයෙකුට හෝ සංවිධානයකට මෙම කමිටුව හමුවේ සිය යෝජනා ලබාදීමට හැකියාව සලසා ඇති බවට එම කමිටුව දන්වා ඇති අතර වාචික අදහස් හෝ යෝජනා ඉදිරිපත් කිරීමේදී ලිඛිත සාරාංශයක්ද සමග පැමිණෙන ලෙස කමිටුව වැඩිදුරටත් දන්වා ඇත.
