ඌවේ මාරු 7ක්‌ මැතිවරණ කාර්යාලයෙන් වළක්‌වයි

29 August, 2014

ඌවේ මාරු 7ක්‌ මැතිවරණ කාර්යාලයෙන් වළක්‌වයි

රනිල් ධර්මසේන

මැතිවරණය ප්‍රකාශයට පත් කිරීමෙන් පසුව ඌව පළාතේ සිදු කිරීමට ගිය රජයේ ස්‌ථාන මාරුකිරීම් 07 ක්‌ මැතිවරණ කාර්යාලය විසින් වළක්‌වා තිබේ. බදුල්ලෙන් හා මොනරාගලින් මේ පිළිබඳව පැමිණිලි ලැබුණු වහාම ඒවා වැළැක්‌වීමට ක්‍රියා කළ බව මැතිවරණ කාර්යාලයේ මැතිවරණ පැමිණිලි ඒකකය පවසයි.

ඊයේ (28 වැනිදා) වන විට නීති විරෝධී මැතිවරණ ක්‍රියා පිළිබඳව පැමිණිලි 79 ක්‌ එම ඒකකයට ලැබී ඇති අතර, ඉන් 22 ක්‌ බදුල්ල දිස්‌ත්‍රික්‌කයෙන් ද, 51 මොනරාගල දිස්‌ත්‍රික්‌කයෙන්ද, 06 ක්‌ පොදුÊවශයෙන් ද ලැබුණු පැමිණිලි වෙයි.

තර්ජනය කිරීම්, බිය වැද්දීම්, දේපළ හානි කිරීම්, පහරදීම් ඇතුළු බරපතළ සිද්ධි 12 ක්‌ වාර්තා වී තිබේ.

Source - www.divaina.com/2014/08/29/news03.html